नख पे गिरिवर लीनो धार कन्हैया मेरो बारो
कन्हैया मेरो बारो -- कन्हैया मेरो बारो
नख पे गिरिवर लीनो धार कन्हैया मेरो बारो

यूं कहे जसोदा मैया सब जोर लगाओ भैया
अरे ये कैसे झेले भार कन्हैया मेरो बारो
नख पे गिरिवर लीनो धार कन्हैया मेरो बारो

जाकी नरम कलइयां मुड़ ना जाए बईया
गिरबर को भार अपार कन्हैया मेरो बारो
नख पे गिरिवर लीनो धार कन्हैया मेरो बारो

जब कोप इंद्र ने कीनो गोवर्धन नख पे लीनो
बादल बरसबरस गए हार कन्हैया मेरो बारो
नख पे गिरिवर लीनो धार कन्हैया मेरो बारो

यूं कहे पूछरी वारो लठिया को दियो सहारो
अरे मन भजले कृष्णमुरार कन्हैया मेरो बारो
नख पे गिरिवर लीनो धार कन्हैया मेरो बारो